Kukabildo sa mga Estudyante mahitungod sa dakong tae’ng ginganlag Ginoo

Kukabildo sa mga Estudyante mahitungod sa dakong tae’ng ginganlag Ginoo

Ni Jona Branzuela Bering

“Guys, nanimba mo kagahapon?” Pangutana ni Hazel sa pagsod niya sa opis sa Ang Suga.

“Ang-ang, Te Hazel.” Tubag pa sa uban nga gipangulohan ni Daeserie samtang ang uban, (apil nako ana) morag na-ungot ang pangutana ni Hazel sa ganghaan sa ilang mga dunggan.

Si Karina nagpadayon og basa sa nobela ni Cervantes nga Don Quixote samtang si Vinot gibutiti og maayo ang computer. Research diri, research didto. Si Ariel nagbagulbol sa gi-edit nga hulagway kay di niya makuha ang saktong epeks. Og ako, nagpadayon og hinayg kuskos sa gitara (nagpraktis).

Ang tingog ni Noel Gallagher sa bandang Oasis (Basta si Vinot ang mag-atubang sa kompyuter, kung di Oasis, Beatles gayod ng klaro.) maoy ning kuyanap sa opis.

“Hey you! Up in the sky
Learning to fly
Tell me how high
Do you think you'll go
Before you start falling”

“Obligasyon mana isip osa ka Kristyano,” ingon pa ni Ericka. Ningtando si Hazel og ningpahiyom.

“Gitawag nag-Canon Law. The faithful are obliged to participate in the Mass.” Wali pa ni Hazel. Kulang nalay suntana.

“Niya, ako di man ko faithful!” Nagngisi si Ariel nga nigsagbat.

“Kinahanglan gihapon, Ariel kay kristyano man ka, katoliko pa gyod.” Depensa ni Daeserie.

Si Karina ninghunong sa pagbasa, murag nakasod na gyod sa iyang dunggan ang gitabian sa mga miyembro sa publikasyon.

Ingon pa niya “Tony Perez said, it is impossible then that there is compassion greater than Christian compassion. It is when you suspend being a Christian and have compassion anyway.”

Si Tony Perez kung sakto ko, usa ka dakong tae sa Katitikang Filipino. Siya ang bag-ohay lang nahuman og basa ni Karina.

Si Hazel nga disipulo gyod sa simbahan ningrebuttal. Wa nako kasubay sa iyang gipangyamar kay akong gibantayan ang iyang mga ugat sa liog nga naggawas tungod sa kombiksyon.

Si Vinot ning-atubang ni Karina og nakig-apir. Dili man sad siya tigsimba kay ang nawng ni Vinot kada-Dominggo mura mag botelya sa RedHorse.

“Christianity will go. It will vanish and shrink. I needn't argue with that; I'm right and I will be proved right. We're more popular than Jesus now; I don't know which will go first — rock and roll or Christianity. Jesus was all right, but his disciples were thick and ordinary. It's them twisting it that ruins it for me.” Ingon pa ni John Lennon. Si Vinot ning-ingon nga kontrebersyal kuno ni nga pamahayag sa iyang Lolo John.

“Kinsa man na siya bi? Diba tawo raman na siya? Sa Corinthians 1:18-2:5, I will destroy the wisdom of the wise, and the discernment of the discerning I will thwart.” Lalis ni Ericka.

“So what happened? Gitiklo si John Lennon sa psychotic fan nga nagbasag Catcher in the Rye ni J.D. Sallinger.” Padayon ni Madz sa buot isulti ni Ericka.

“Ang gilalisan Madz kay ang Sunday Obligation. Ayaw god titi gyod. Basta ingon si Nietzsche, God is dead!” Nangatawa ang tanan kay nawagtang kalit ang photoshop window sa kompyuter, niya ang nakaparat, wa pa gayod na-save ni Ariel ang iyang gibuhat. Nakasulti gayod siyag, atay.

“Da! Gigabaan!Niya kaila day ka ni Nietzsche, Riel? ” Balos ni Madz.

“Ambot kinsa nang tae-ha na! Si Ate Jo, nag-ingon ana nako ay.” Tubag ni Ariel.

Atot, akoy gi-atubang sa tanan.

“Guys, pagkamatay ni Nietzsche nakapatik sa iyang lapida:

Nietzsche is dead.

---God”

Ang akong hirit kinopya sa pare nga spokeperson sa seminar nga akong natambongan. Ang kato gyong pare-a nahikurat pagsagbat nakog ingon nga God is Dead nga kinopya ra sad nako sa akong Ethics professor. (Pero kaila kog gamay bahin ni Nietzsche ha.)

“Naa raman diay na te.” Ingon ni Des. Nangatawa ang tanan.

“But you have to question yourselves guys, are you faithful?” Pangutana nako.

“We are all sinner Jo. You know that. That’s why there is redemption. Hebrews 13: 5, I will never leave you, nor forsake you.” Ingon pa ni Hazel.

“Makit-an ang redemption sa simbahan te?” Pamingwit pa ni Vinot.

“Shrug Avery in Walker’s The Color Purple said: Have you ever found God in Church? I never did. I just found a bunch of folks hoping for It to show.” Akong gi-ambit kanila ang kombiksyon ni Shrug. Ingon pa niya nga ang Ginoo dili lalaki o babae. Maong sayop nga gamiton nato ang He or She. Ang sakto, ingon pa niya, IT.

“Basta, ako guys, uyon ko sa gi-ingon sa negra nga God is everything. Everything that is or ever was or ever will be. And when you can feel that, and be happy to feel that, you’ve found it.” Natakdan ko ni Hazel da! Nagwali sad kog ako!

“Maypag manganta nalang ta ninyo!” ingon pa ni Kevin pagkahuman sa pila kagutlo sa kahilom

Ang bag-ong paborito sa tanan. Ang Wonder Wall sa Oasis. Nagkayabag-yabag ang agi sa tanan:

Today is gonna be the day
That they're gonna throw it back to you
By now you should've somehow
Realized what you gotta do.

___end___

Ps. Big Tae is slang for great people, well, at least for us. Hinaot, nobody will be offended.