ni Jona B. Bering
Hala, kulitoga ang atule sa imong dunggan
og paminawa kine:
Usa ka adlaw ana,
nangotana si Kamatayan:
Kinsa si Kinabuhi para nimo?
Nakahinumdom ko
sa kape nga akong gitimpla,
gihimong sumsoman
sa balita nga gilala
sa akong mg mata:
Tinderog balot giluba sa;
Patay!
Ang reporter: ang anchuhos sa
Gilubang inosente.
Si Kamatayan, sa makaosa pa,
ninggitik sa akong dunggan, ninghunghong:
Kinsa si Kinabuhi para nimo?
Gipunit nako
Ang tasa sa kape:
ang kahumot niini
nakighilawas sa akong dila:
init, tam-is,
pa
it...
