nalumos

bersikulo blablabla

basta, katong ni-ingon

nga si Hesus naglakaw babaw

sa tubig. katuohan dili,

sama sa giingon sa mga sayantipiko

nga naay nilugwa? nga sibilisasyon

sa puwang planeta; sama sa sex scandal

starring Mahal.

giingon nga henyo sa kalsada si Hesus. apan

dili kaha siya masaag sa nagsanga-sangang

kadalanan sa siyudad: nay Junquera nga

bigaon pa ---

------not half way there----

ni jona branzuela bering

Sa Pag-agi sa nagsangang dalan sa pagkakabos og pagka-estupido

By Jona B. Bering

Cebu Normal University

Mag- alas tres nato sa hapon, ning-agi ko sa Chinese Cemetery, kay lagi ingon ni Ting Romy, ang akong uyo-an nga gwapo, mao kini shortkatanan padong sa laing minteryohan, ang Queen City Memorial.

Ning-apil apil man kuno kog kompetisyon sa mural painting nga nahiluna sa QCM. Yamat nalang, bisag di kadaog, naa man gihapoy bayad og libre pa gyod og kaon. Mao ning paborito nakong parte sa kompetisyon: kaon!

Sa pag-agi nako sa Chinese Cemetery, nahibong ko; daghan man day nagpuyo sa mga nitso. Murag dili minteryohan kon dili usa sa mga nagkatagkatag nga skwaters sa siyudad.

Ang mga inahan bisag nagtakin og mga nagkamoritsing nga mga bata, sige pa gyod og tong-it, niya ang nakalami, nag-aray pa gyod og usa ka galon nga tuba. Nya, sa unahan, ang kalalakin-an, nagtaksi, tigdyes pa gyod ang pusta.

Nakahuna-hona ko ba, hayahay man diay ni silag kinabuhi bahalag naa sa mga nitso ilang puy-anan.

Nakulbaan pa gyod ko kay nakakita ko sa mga bayong-bayong nga nagsigeg hingos sa rugby. Hasta nilang lipaya nga nagsigeg suyop sa plastic nga gisudlan og rugby. Niya, ningtan-aw pa gyod sila nako. Ang akong mga binuhi sa dughan naglumba-anayg lumpayat. Bisag ang tan-aw na nila nako murag lechon manok, na kadakong malas ani. Atot, maypag nagdyip ko da!

Nagpanglingo- lingo ko sa ilang kahimtang. Ang gipusta sa tung-it ug taksi gipalit palang og bugas og one port nga buwad, payts na unta to. Makatikdol tikdol na unta to sa ilang bitukong kinabuhi.

Nakihumdom hinuon ko da sa gi-ingon ni Orhan Pamuk, ang 2006 Nobel Prize for Literature: Mankind’s greatest error, the biggest deception of the past thousand years is this: to confuse poverty from stupidity.

May punto baya ang turko. Ang sitwasyon sa mga namuyo sa Chinese cemetery (labi na ang mga iresponsableng ginikanan) usa ka dakong buhi nga pamatuod niini.

Ingon ni Ate Flora, ang asawa sa akong uyo-an, "Ang nakaparat sa tapulan na mga taw, ang gobyerno ang pakasad-on sa ilang kahimtang. Wa nila pangutan-a ang ilang kaugalingon kon gibuhat ba nila ang ilang parte."

Pero nay apan, parehas anang sitwasyon sa mga batang nakaginikanag pulpol pas tanang nangamatay? Naa ba silay kapili-an ana?

Sama sa mga batang basurerog basurera sa ilawom sa Mananga Bridge sa Talisay, nga akong nahinabi para sa among gamay nga videodocumentary.

Ingon pa ni Angela, otso anyos nga murag singko anyos ang panglawas og pamarog, gusto siya nga mo-eskwela apan unsa-on man nila nga wa silay makaon (kuyog sa iyang mama og mga igsu-on) kung dili sila mamasura? Ug katong mga batang nangkaging ang bagang sigeg papitlan og rugby aron mawa lang ang kahapdos sa ilang mga tiyan?

Bitaw, rugby og basura nalang ang tinumdan sa nagkutoy nga tiyan sa mga bata.

Nay karakter nga nalumotan na ang pangan sa kong utok, basta naa to sa nobelang Snow ni Pamuk. Ingon pa sa karakter: "We’re not stupid, we’re just poor! And we have a right to want to insist on this distinction."

.

Kon pwede palang pintalan ang ilang kinabuhi sama sa pagpintal sa mural dugay ra nakong gihimuag hayag nga langit ang ilang kaugmaon