Nanapu ang kagabhi-un
Pagkakita niya naku’ng
Nagdanga-danga
Sa iya’ng dunggu-anan,
Pagkakita naku sa iya’ng
Kalimutaw nga punu
Sa mga biga-un nga mga iring
Nga nagsigi’g siya-uk
Sa kawanangan sa pag-inusara.
Ningsuksuk siya
Sa iyang ka-ugalingun’g kangitngit.
Nadani ku sa iya’ng pagpahipi luyu
Sa iyang nagsayaw- sayaw nga saya
Mura’g si Nana nga ning-ikid-ikid
Ning-alirung kanaku,
Nga nakapasamut sa aku’ng gibati.
Busa, kuyud ni San Miguel
Nga nangandam sa iyang pinuti,
Naghana sa aku’ng dimunyu,
Ningsulud ku sa lawak sa kagabhi-un.
Atay, ninggakus dayun siya kanaku
Sama sa uwagun’g babayi
Nga aku’ng nakahilawas
Didtu sa Kamagayan
Ang iya’ng kabugnaw
Ningsuhut-suhut sa aku’ng ka-unuran
Daw sama sa kabugnaw nga
Naggikan sa kara-an’g prigidir
Nga kabilin sa aku’ng asawa.
Gilaklak naku si San Miguel
Samtang gilamuy ku sa daku’ng
Baba sa kagabhi-un.
JONA B. BERING
BA-ENGLISH IV-V
