New Year:::Tiger in the Ox

My hair—it is sometimes a flirt, a witch, an innocent, yet once my person is reduced to its length, i have to wear a different one. Perhaps, the scissors cut it accidentally, or perhaps, my five-year-old hair is flirting or bitching once more—whatever it is—it is done now. With no preliminaries—it is now kissing my nape, not my derriere.

Happy New Year!

ni Jona Branzuela Bering


Sa mga Chinese
kinahanglang daghang lingin
aron daghang grasya
ang musod sa bag-ong tuig.
Payts na tingali ni ako:
lingin ang mga kalimutaw
sa akong walo ka mga anak,
nagsiga kay wap-ay panihapon
karong usa nalang ka oras
ang nagbitay una maputol
ang gininhawa niining tuiga.
lingin ang bola nga napunitan
ni Dado didto sa basurahan
kilid sa banko nga daghag tawng
isig withdraw. Lingin akong
handuraw nga nagsigeg tuyok
sa palibot bisag naay putos
nga Jollibee o Mcdo. Lingin sad
ang mga tiyan sa akong
mga anak nga klarong gibitok.
Lingin sad ang tiles dire
sa skywalk sa Robinsons.
Ako sad, lingin ang tiyan,
sa pagpaabot sad sa ikasiyam.

Balak:::Kasina

Sa atong paghisgot-hisgot
sa nagkalayong hulagway
sa Sangi, nahimatmat nako

ang imong pagkabata—

napatik pa sa imong utok
ang tinagik, kasikas
sa batang Sangi—mokaratil
og dagan kon magdanga-danga na
si Fe, ug dayong pwesto

sa buslotong bungbong, ug didto
nasinati ninyo ang inagulo
sa babayng gidungguan.
Ug kato pong nakadaog ka

sa karera og traynta. Mora ka

og Ginoo kadiyot, nanglibre
og Noguts sa imong mga classmates.
Katong si Poltox a.k.a. Tarzan,
sa gikaingon mo pa, pinakadato
kay naay iyang kaugalingong
kalibotan pagkahumag suyop
sa pinutos nga iyang gihuptan.

Gipangutana nimo siya kon

asa diin diay siya gikan: Sa Saudi,

ug dayon padung sa London

ang iyang biyahe. Hayahay kaayo ka

kay kini ang imong playground:

su'd sa purtahan ni Nang Budlat,

lusot sa bintana ni Noy Mamuso,

ambak sa pantawan ni Tay Hubak,

tago sa CR ni Nang WayKaligo.

Ug karon nga ang itlog ni Poltox,
wa'y kalainan sa usa ka bandera
nga giwara-wara taliwala sa dalan,
nakapangutana ko kanimo:
Unsay dagway ni Poltox niadtong
dili pa niya mapalit ang kalibotan?

Blog:::Ukay-ukay

Ay sa wakas, nakit-an na nako ang planner nga di kaayo mahal (pero mahalan ra gihapon ko) sa tantong ukay-ukay sa natio, niya naabot sa Starbucks (niya di diay to baligya, kinahanglang naay sticker-ek-ek)siya sa Fully Book. Sa Fully Book naa unta to niya—Php500!—kamahal gyod sa waraswaras nga nawng ni Frida Kahlo! Php75 ra man gani ang akong palit sa libro niya! Wa sila kudjapi! Naay girlashog gamay nga Php755!—para planner lang! nayabag sila!

Pagbalik nako sa Natio, uy salamat nakit-an nako akon gusto nga tagPhp300 ra (naglisod ug tyoe sa ra.) Nashock ang clerk kay ningpalit kog planner nga magstandby ra man ko sa Natio magfree-reading ug mangablig libro nga giputos pag plastic cover. Psst. Yawg saba.

Niya ganiha, naay advertisement akong planner sa Dos!
In-ani diay akong planner, featuring the La Mesa Dam/Ecopark:

*******************

Dugay-dugay nako wa kasuwat ug balak—gitapol ang mga tudlo sa akong utok—wa nangwitik. Gitapul. Niya murag di man gyod ni angay paundayunan kay makayabag man diay ni. Maong suwat nasad ko. Cheating pa gyod kay dugay ra ni nasave sa cellphone, two months ago, i guess, niya karon lang naukayan:

Ang Pagpangayhay sa Kinabuhi

ni Jona Branzuela Bering


ilahi ang dikolor.
ilahi sad ang puti.
ang kanang nangadunot o
nagisi na ba kaha,
hala, ilabay na na
kay nagsamuk-samok ra na
sa kahapsay sa imong hinayhay.
iwit ra man gani ka.
Wa nalang unta to nimo labhi.

************

Oy, akong wishlist checklist naa nay nacheckan:

• planner
• A case for 2x3 Mp4\
• bag (from Maam Cor, next year palang ni madawat! thanks maam! Happy New Year! hahaha)

Ang wap-a, niya bisag makatampo ka:

• Libro ni F. Sionil Jose, Jose Garcia Villa, and St. Nick Joaquin (daghan kag choices sa Powerbooks. Didto suok-suok gamay, naglaray si Sionil Jose ngadto.
• Painting Materials (mahal ang acrylic paints? og kanang brushes?)
• Happiness (bisag makatampo ka ani?)

*********

Ipha ang section breaks, di parehas no?

Daan pa lagi ko.