*draft*
Sa Itlog sa Uk-ok Ibabaw sa The Old Man and the Sea.
Jona Branzuela Bering
maong wa ko kabantay
nimo nga hastang pagkahinanok
sa ibabaw sa libro. Ingon tong akong
apuhan ang batang mag-unlag
libro, brayt kuno unyag kadako.
Unya bahin man kuno na
sa dagat kanang libroha, mahimo
diay ka ining henyo sa dagat. Ayaw
kog hikalimti ha. Wap-a baya ko
kabasa anang libroha. Busa unyag
duyan-duyan nimo sa dagat
sa mga pulong ihunghong kanako
ang tanan. I-ambit kun unsaon
pagmapasol, pagpamukot ug lab-as
nga mga pulong. Kay sa tinud-anay,
uk-ok, hapit nako i-unlod ning
akong barato nga naglisod ug labang
sa usa ka pulong.
***
Naa koy gikabuangan.
