ang pagpanikop ug balak sa kakugnan

(revise pani, i know!)

naa nasad ta

nagdakup dakop

sa imong ginghari-an

gitabas nako ang imong kakugnan

aron wa na kay katagu-an.

aron makapangamdam ko

sa imong pag-ataki.

apan, ang imong sulugu-on

ningkalit ug bundak

ug nawa ka sa akong panan-aw

nana nasad ta

nagdakup dakop

dinhi sa imong ginghari-an

nagpakarung-inon ka nga babuy ihas

nga napadpad sa among silong

gibitik teka gamit

ang mga mapanglinlang (?)

nga mga pulong

apan, ninglumpayat,

dayun dagan'g sutoy

sa dakong wanang sa kalasangan

wa ba kaha ka nasa-ag

o ako ba kaha'y nasaag

ni-agi sa colon, sa carbon

ningsud sa ayala

nana nasad ta

nagdakup dakop

sulod sa imong ginghari-an

ningsakay ug jeep

ningna-ug sa chonghua

ning-ikig-ikig padung sa emergency room

dayun beso beso sa gi-operahan

naglantaw ra ko sa gawas

kay ang ayamot nga pareha nako

di pwede makasug,

ug nana nasad ta

nagdakup dakop

dinhi sa imong ginghari-an

ninglupad ka padung

sa sementeryo sa Carita

nangngisi sa kamatayan

nga nag-abi-abi kanimo

nahadlok ko,

wa ko ningdu-ol

ug maka-usa pa

nana nasad ta

magdakup dakop

dinhi sa imong ginghari-an