Poetry::: The Witch in Fairy Tales

The Witch in Fairy Tales

Jona Branzuela Bering





























My eyes, you said, two-lipped scissors almost
Kissing each other. With a nose, a hawk’s beaks.
A chin, a blind curve. My mouth spit thorns, vines,
And not rose petals and melodies.

Your prince dashed with his sword, or words,
Partly, an Andersen’s prince. Exactly the one
You expected to rescue you from my dirty fingers,
Full of stains from everyday works—making potions,

Spells not just for you but for myself too. To make me
Live up with my character. For your story to continue.
For you to be rescued. For you to have a happily-
ever-after. For you to be loved by everybody.

Since without me, you’ll not be Snow White, or Sleeping Beauty.
You’ll be just another ordinary girl, a secondary character
In a story book, gathering dust in a remote corner
of a bookstore, silent, and then, bargained, and yet in the end,

unsold.

Balak::: Ang Balay sa Mangkukulit

Giputos sa iyang panan-aw
ang babayeng gahipos
sa iyang buhok gamit
ang plastik sa ice water.
Iyang gitiltil ang nagbansiwag
nga kapungot sa babayeng
kalkag og buhok
ug hibos nga kaugalingon.
Gilimpyohan sa tigib
ang kadakurbada sa imahe
gikan sa ilong padung
sa may aping, sa nipis
nga ngabil nga nagtago
og daghang sugilanon.
Gikuot sa kutsilyong talinis
ang ningsiwil sa ilawom
sa dunggan hangtod
madungog ang kahiubos
sa iyang mga mata.
Sa gamayng batang giporma
iyang gilingi ang babayeng
naglingkod morag estatuwa
kuyog ni Sto. Niño ug Buddha.

Balak::: Pangutana sa Anay

kutkuton nako ang tanan
ari ko magsugod sa gabok
nga kagahapon
nga gitugyan sa tag-iya
sa kalimot

dunot
humok
lami

bisan naanad nako
ani di gihapon ko
kapugong

og pangutana

kon lami man ang kagahapon
nganong gipasagdang madunot

***
Bag-ong Tubag

A text from Gen

isa pang bagong sagot sa tanong
na:


"musta lovelife?"



"postponed until further notice."

Pakpak mga way uyab.

***

Who is planning to pick Ondaatje's The English Patient? I found a spare copy (in a very good condition) at Metro Colon for ninety pesos only. It is located in the second shelf, on its right side. It's Valentines, time to share.

***
Oops, nakalimtan. Pakpak, Jona!

Daghang Nahitabo::: Karong Adlawa

Hate nako ang tiktak sa alarm clock nga duha nakasemana nga wa nakaset sa alas syite. So technically, nasuspend ang iyang pagka-alarm clock. Maglagot gyod sa kadasegundong tiktak. Panuway kaayo. Saba. Di man ta ni in-ani sa una. Sige man ug kahog---mataymingan sa akong lawas nga di pa ganahan mobangon, nya masaag sa pagpangita sa off switch, dritsog dakdak. Da, pawng lagi. Sa una, naa siya study table nakalingkod, niya madungog man gihapon ang tiktak sa akong higdaanan, maong nabalhin sa connecting shelf. Arang-arang kay di na madungog ang iyang tiktak. 

Alas dyes nako nakamata. Milagro si Mitch, among iring nga di iring ug batasan, tua nagbay-ad sa sofa, wa naghari-hari sa akong kwarto. Nakig-eye to eye ni Bruce, among iro. With matching twinkle, twinkle little eyes.

Magtruce tingali ang duha kay Valentines.

***

Ning-adto ko sa CNU pagkahapon. Naay gihatod ug naa say gikuha. Nagkita mi ni Tez, ang babayeng bigatla. Basta kining bayhana akong kakuyog, ang tinggil ni Jona abot sa Abellana. 

Mamatay kog katawa sa iyang pagkabigaon: nagbiga sa kang *toot* og ni *toot* Ang iyang choices of words, I love the most. Censored man, di nalang i-enumerate dinhi. Naa pa gyod koy pair of turtles. Tuo pa gyod  

Sugilanon sa Usa ka Jona::: Kaahak sa Sambag

Ningpauli ko sa amoa sa niaging semana. Nangatkat mi ni Mama sa Tubod, ang balay sa akong pagkabata. Ug didto, nangawat mi sa utanon ni Vencio, akong papa. Hilason ang garden ni Vencio: kaokrahan ni Vencio, kaagbatihan ni Vencio, tulo ka kalbasaan ni Vencio, kabatungan ni Vencio, kasikwahan ni Vencio. Puro nalang Vencio. Ang lahi ra kay kamunggayan sa tanan. ang nakaparat sa mga silingan didto, bisag naa sa bukid, pulpol mananom. Magsalig kang Vencio. 

Giingnan ko sa akong manghod nga ang sambag dapit sa payag kay namunga na, niya nindot nga kalidad, talagsaon, kay tam-is. Sa Tubod, naay duha kaklase sa sambag: ang linginon ug laparon nga bunga. Ang linginon maoy tam-is nga sulagma ra kaayo. Naa ray duha ka punuon niini samtang ang laparon di maihap. Ang pinakabatang punuon nga tam-is ang nahiluna kilid sa payag. Hitik sa mga bunga. Tiguwang pa man ko aning sambaga. Kaagbatihan man ning dapita ang iyang gitingdugan sa una, niya wa patoy payag. Ninghangad ko sa sambag. Nakahuna-huna ko, pila na kaha tuig ang last nga nikatkat kog kahoy. Murag second year high school man tingali, sa mangga ni nanay, didto sa pinakatumoy nga parte kon diin mura nakog hangin, nag-utaw-utaw sa wanang. Niya, hapit ko nahulog ato kay gisyagitan ko ni Vencio. Feel man nako ato akoy tag-iya sa mangga; kuha lang kay kuha.

Ang sambag wa ka one-fourth sa lawas ug taas sa mangga. Pero mura namag habog kaayo sa panan-aw nako. Giingnan nako si Mama nga ituboy ko aron makasaka ko. Bug-at naman kaayo kog lawas, murag baboy o murag butiti. Kaluoy sa tambok, nakakatkat intawn ko. 

Naay paagi aron mailhan kong hinog na ang sambag. Garasan nimo ang lawas niini. Kong mura nagbrown na, nagpasabot nga hinog na, pero kung green pa gani, hilaw pa. Nakalimot pa gyod ko kon unsay tawag sa hinog nga sambag, magdepende mana sa stage sa ilang kahinog. Akong gipangutana si Mama nga naglingkod sa payag. Ang maguwang ug gamay sa guwang nga sambag, pakpakon ang tawag. Ug katong hinog na gyod, kugal ang tawag. Wa ko kahibaw asa ni naggikan nga mga pulong. Pakpakon tingali kay mapakpak man ang panit sa sambag. Kugal kay silingan raman sa kugan.  

Mura kog unggoy nga nag-ambak-ambak sa sanga, nanghinaot nga di mapaksit kay mao kahay pagkabutaltal nako sa ubos. Kataw-an kog samot sa inahak nga sambag. Kay lagmit ang gihuna-huna ani kay "maguwang pa man ka nako, pero unsa may imong naabot. Wa man tawn ka namunga." Putlon hinuon nako siya, maoy iya.   Tagud-tagod hinuon nako siya, niya himuong uling, maoy iya. "Halos, di man gani kakatkat, tagud-tagoron na ba kaha." Grrr. Maypa, monaog nalang ko kay nakakuha naman sag kog sampag. Pikat nimo, sambaga ka. Ang problema di nako kahibaw monaog. Gitawag nako si Mama. Ninglakaw ang akong maayong inahan. Nagtaha-taha ko sa pag-ambak. Mga kapin duha kametros ang katas-on. Bahala na, amaw man ning sambaga. Salig lang tam-is. Pikat nimo. Pag-ambak nako.

Ahak, hapit ko naumod sa tae sa baka.