ni Jona Branzuela Bering
It was forbidden in her marriage to open up her husband's wounds and look at them unless he asked to.
—David Gutterson, Snow Falling on Cedars
yamat ra, nganong bulikaton man gyod
na nakong imong samad aron lang gyod
makakita ko sa hapit na nga gipang-od
nga unod tungod sakadugay, kahibaw ko
nga bisag unsaon pa na nakog bukiki,
di gyod nako makit-an ang ngan sa nagtimbas
niini, bisag hunaran pana nakog hagunoy
kada-adlaw di na gyod na maayo kay lagi
ang hagunoy para ra sa bag-ong samad
o garas pero ang imoha agi gyod sa tigbas,
bisag moadto pa ko ni Nong Ingko aron
patuthuan ka kay bisag gisudlan na nagdautang
espirito, bisag magpanobena pa ko sa tanang
santos nga giludhan sa imong inahan, pero
ayaw kog basula nga dugay ko naabot,
nga wa teka naabting bag-o pa ka nasamdan
kay nagdanga-danga pa lang ko, nakahibaw
nako nga makiglumbaanay kosa panahon
sa pagtilap sa akoa sang kabahong.
