Balak:::Kalipay

kalipay

ni Jona Branzuela Bering


nagtiniil nga naglakaw sa hilapad
nga luna nga gibanigan sa ginam nga carabao grass
paminawa ang paglubong sa imong mga tunob
ang yamog nga dala sa kadlawn sa kalipay
nihalok sa imong kubalong lapalapa
ang udlot sa carabao grass ninggitik sa imong kiting
ning-uk-ok, ningyugbo, pero nitoyhakawg balik
human nanamilit ang imong mga tiil
nahigam, nipaspas og lakang, apan naigking—
porteng pagkataop sa tunok sa makahiya
ang kubal wa intawn kapugong niini
porteng pitia sa kahikurat nga naa diay
nagtagong tunok sa naghakyad nga kahumok
===============================
futile attempt nonetheless :)