Balak::: Suwat Alang Kang Berting

Jona Branzuela Bering

*draft

Ting,

Ayaw nalang ko paabota. Nasaag nako sa akong mga pangandoy, ug lisod na ang pagpangita sa dalan paingon kanimo. nahimo na kining libon, lasang. ang ilado kaayong dalan sa akong pagbati kaniadto, nahanaw na, natabunan sa mga nagpangamay nga paglaom nga makakitag, makahikap og snow. gikapoy nakog puyo sa gamay natong baryo, ting. Kapoy sigeg ugmag sa yuta nga di ato. Naay nagtudlo nako og chat diri sa 7. Naay koy nakit-ang Kano nga ganahan kaayo sa akong kutis nga morag kolor sa kugal nga sambag. Ingon siya, Ting, he like me. He want marry me. And he bring to America. Maong kon papilion ko sa libong dan ug sa hiway, sa hiway nalang ko, Ting. Naa pay purohan maka-SUB ko. By way, di na ka kinahanglang magtagu-tago padung sa balay nila ni Celia. Open it and show love to she. Kahibaw na sila Nanay ug Tatay sa akong desisyon. Ug lipay kaayo sila.

Ang imong ex-gf,

Sinds (Sinda)