ni Jona Branzuela Bering
Kuskosa ang kwelyohan
sa imong gibati. Kon di
madag kuskos, gamitig Xonrox,
aron makuha ang lama niini.
Unya dayon, gamitig netbag
kon di madag kinamot, pwede
sad nimo pataud-taoran,
ihumol og gamay, aron mahumok.
Unya tan-awa gyod nang pinakadakong
lama sa may dughanan. Sa tan-aw
nimo, makuha pa na? Aysus,
ayawg lingu-lingo diha. Makuha na.
Gamitig lemonsito, unya iladlad
sa init, ipa-atbang ang lama
sa nagbudlat nga kalimutaw
sa adlaw. Ayawg kauwaw,
bahalag bugal-bugalan ka nila,
iladlad na, ayaw itago kay
mogahi hinuon nag samot,
mas mogamay ang tsansa
nga makuha ang mantsa.
0 comments:
Post a Comment