Memory Lane::: Ang Kantang "Don't Cry Joni"

Nag-atubang ra ko ato sa abuhan sa bay namo nga kusog ang evolution—sinugdanan kwarto niya maayong pagkuso-kuso ni Bagyong Nakalimot-Na-Ko nahimong kusina sa pagbalik ug barog, niya ning-rotate ang utok sa akong papa kay sige man sag rotate ang baba ni Mama maong nahimong balik ug kwarto—nag-atubang ra kos abuhan. Niya ilawum sa abuhan daghan tae ni Rene—ang among binuhing kanding nga murag irog batasan, di pwede sa gawas ibutang kay mo-aw-aw—ay momee diay. Murag naglung-ag man tingali tus Inday niya ningtukar dayun ang

Joni was the girl who lived next door
I've known her, I guess, ten years or more

sa among dibateryang gamayng radyo. Nagtan-aw rako sa abuhan niya moyukog motan-aw sa tae ni Rene.

Jimmy, please say you'll wait for me
I'll grow up someday you'll see
Saving all my kisses just for you
Signed with love forever true

Dugaya maluto sa kan-on oy. Gutom na. Ningsayaw-sayaw nas sa akong tiyan ang akong mga binuhi. Sigeg tukmol-tukmol sa bungbong sa akong tina-i. Ningtan-aw kos sa kaldero. Diba naay love story ang kaldero ug ang sung-agan? Ang tubig ug ang bugas nga gikan sa uma ni Papa nga sigeg kasuko nako kay ako pinakapulpol sa tanang managsuon. Di jud ko moapil ug guna. Si Inday kay kugihan man, maoy sigeg apil ug guna kon way klase. Ako? Da kapilag ikyas. Kadako sa Tubod ug ang iyang kabungtoran nga maoy sanktwaryo nako kon moikyas, mangluod. Tanang suok sa kabungtoran sa tubod naadto na nako. Ako bayay rena sa Kabungtoran sa Tubod. Naay koy paboritong bungtod kay gwapa kaayo siya sa tanan.Nalove-at-many-times-before-i-notice-her ko niya. Siya ang pinakahabog, ang pinakarogante nakong nakit-an samtang nagpa-atbang. Didto kos uma ni Papa sa libaong kay nangawat kog mani kay nadunggan nakong pwede na makaon. Ningnaog kos sa libaong ni Papa niya lakaw niya gikatkat nako ang bungtod hangtod sa pinakataas. Kita nako ang lapad nga Tanon Street. Nakita pa gani nako ang pantalan sa Tabuelan o Balamban ba to! Basta nakakitag kog barko nga nagdunggo sa pantalan! Kita nako ang among dagat! Ang dagat ni Papa! Ug promise, lingin kaayo ang adlaw nga hapit na mosawp. Lingin kaayo.

I packed my clothes and I caught a plane
I had to see Joni, I had to explain
How my heart was filled with her memory
And ask my Joni if she'd marry me

Ningnaog kos bungtod kay hapit na nig gabii niya ningtaligsik pa gyod. Pag-abot nakos amo kay gikasab-an ko kay wako nagkaws. Lagi layo kaayog tubig sa amo. Pwerteng kapoyag kaws, kapoyg matag sayo para maligo, kapoyng bumba sa bug-at nga puso. Niya saka balik sa bungtod para mag-adam sa eskwela. Naa jud koy ribbon sa una paggrade-one. Most Late. ug Most Industrious. Ang-ang moguna kunohay ko kon magpa-atbang akong maestra. O diba kaha, iya kong gihimong Most Industrious kay padad-on man dayog manok, niya daghan man kaayo mig manok sa amoa. Atik sad tong maestraha. Sige lang kog snack atog pisteg inatay.

Jimmy, Jimmy please don't cry
You'll forget me by and by
It's been five years since you've been gone
And Jimmy, I married your best friend John.

Naa diay istorya rong kantaha?
Tragic man diay ang Joni Joni no?
Luoy si Jimmy.
Luto nang kan-on?