Balak:::Ang Panagway aning Taknaa

ni Jona Branzuela Bering















Pangutana:

Nakaanhi na bay day ka aning taknaa

Sa dihang ang imong buhok nagkurtina

sa pikas nimong mata samtang nagbasa

Kag collected poems ni Emily Dickinson;

Sa dihang imong gihawi ang imomg buho;

Ug ninglabay ang nagtuwad nga bangaw

Sa imong ngabil ug dayong litok:

You cannot fold a flood

And put it in a drawer.

Tubag:

O nakaanhi nako aning taknaa,

pero lahi ang iyang panagway—

Ang mga pulong ni Emily nagsayaw-sayaw

sa tuno aning taknaa, ug nakigsayaw ko

ug wa ko kapugong, ningpahiyom

dayong litok:

You cannot fold a flood

And put it in a drawer.

Mao nay dagway aning taknaa

Og nanghinaot ko nga mahulagwayan

Nimo kini kay di magdugay ihimugso

Ang akong balak ug ikaw

Ang makadungog sa unang uha niini.