Bagutbot::::Alang sa mga Balang Ningputol sa Imong Ginhawa

Sa wap-a sila ningsutoy sa imong kalawasan
Wa ba sila ka panimaho sa imong mga idealismo
O ang imong idealismo ba kaha ang napakadani
Nila nga itugyan ang ilang kaugalingon
Sa imong kaunoran?

Wa pa sila nagduhaduha,
Ay o no, di sila kahibaw mo-break
Way pilion, di sila kahibaw motan-aw
kon kinsa ang kontra.

Kapila ba teka nakita?
Pangadni nga moapil
og wara-wara sa kalsada.
Og giunsa teka pagpalibad
Nga wakoy salig sa mga in-ana
Gihimo ra mong paon sa mga pating

Way mabili, bay, bitin ang tanan
Ang kalibutan mismo buang, bitin
Kitang tanan buang. Iyahay tukob,
Pero lahi lang ang atong paagi
sa pagkabuang.


Wa koy tulog, panuwaya ka
sa sigeg televise sa akong utok
kon giunsa paglubong sa mga bala
sa imong lawas, kon unsang kataposang
pulong nga imong gilitok, kon unsa
ang kataposan nimong gihuna-huna.
Niya dayon, ningreplay ang atong panag-istorya
Sa Suga office, sa mga butbot sa kalibotan,
sa bulok nga sistema, ug uban pang butbot

Atay! Kon ang imo palang gihimong rifle
Mao ang mga pulong, daghan na uta kag
gipatay, sila unta ang gisugba sa imong mga pulong.