Gugma

ni Jona Branzuela Bering

Ikaw ba, ingon ang uban, nindot kuno ka
nga bati. Ganahan man gani unta ko
makigharong nimo, niya mahadlok man ko,
kay bali-balian pa lang ko nimo sa mga bukog
o kon maka-ikyas man gani, kunis-kunison
ang akong lawas. Kakuyaw ana.
Daghan baya ang nadani nimo. Kay lagi hopefools
baya ning mga Pinoy—giyatak-yatakan
lang sa nindot ang bati, hangtod
nawad-an sa panimuot (ug kon ma-ulian,
yatakyatakan na sad).
Pero allergic man gyod ko nimo ba.
Ningpalayo man gani ko sa akong
amiga kay nangalisbo sa imong baho.
Ang-ang di, nga pwerte man tawng nimong
gakos niya samtang nag-am-am siya
sa iyang uyab nga nangluod.
"Wanna join?" Pangagni pa nimo
samtang nagpasiplat sa among
officemate nga nagpa-cute.
Gipikatan tika, gihiwian pa gyod.
Mao roy nakadangat—
di ko hopefool—
hopeless ra.

also posted at kuwidaw.multiply.com and balaybalakasoy.blogspot.com